冇寬頻 - 好鬼煩

Easter 期間.....除左訓覺, 就係做 d 私人野 lor 。

Because 下星期一才安裝寬頻。攪到我成日上唔到網。果個人成日玩我, 等我用唔到佢 ga wireless broadband. 咩都做唔到！又寫唔到 Blog.....真係煩死!!!

最開心既係....噚晚....同事仔 「安娜」 called 我, 佢係 City U 幫我借左本書。訓醒覺便返公司取書。

細細聲講你知, 有個同事出單攪錯野, 好多張單收多客錢。你地估下係邊個？我冇留意, 係客打來問我 「Why?」呀!!!

最近, 我又要開始係「馬戲團」賣藝.....又要面對「奇形怪狀」 「九流人格」來自「五湖四海」「品流複雜」 ga 業界人士 呵。

終於登記左

昨日...終於花 d 時間申請安裝「和記」寬頻 and 辦理 i-cable TV 續約事宜。
今時今日，d 人質數極差。一係就 day day call 我安 broadband, 應承佢「我安啦」...點知佢即刻失蹤...攪到我「半天吊」。總之，俾 $ 果個係最受氣。我同「和記」講 「我上次趕走 PCCW 安 broadband ga 師傅, 你要塭個 service 好 ga 師傅俾我，如果唔係, 我會趕佢走」。
我係 27 號便有 broadband 用啦.....唔使用人地 wireless ga 訊號。果個人知我用佢訊號 ....成日玩我。佢一知我開 computer, 便立刻上 security key...等我用唔到。當我 disable 左個 wireless, 佢又解番條 key....不停地玩我。
通常, 係日間 or 凌晨後, 果個人 ga wireless 係冇上 security key.....所以我可以任用....寫 blog laaaaaaaaaaa............

屋企無寬頻

最近, 晚晚好夜訓...因要準備「馬戲團」的新任務。
況且，「馬戲團」d 野令我壓力好大...攪到我要鬧下情緒，作出反叛行為，又發下脾氣。平時，我係「馬戲團」d 服從性好高架。ai...ai...屋企又冇寬頻。人地 來「安」寬頻...激嬲我, 我發脾氣趕左佢走。當我上星期完成「馬戲團」第一天新任務後，目前情緒己平靜下來。
自從上次寫完 blog, 我的 i-cable 寬頻便係 2 月29日 cut 左, 因我 terminate service. 上星期, 約左 Now 來安 Broadband and Broadband TV, 點知激死我。遲到成粒鐘, 又唔通知我。點知一見佢係門口，我己經唔滿意。佢好似街邊拾垃圾亞婆架車仔拉住個好殘舊架瓦通盒...裡面充滿垃圾。還有一個好烏黑黑大白膠袋...裝滿垃圾。 除了身上件衫有 PCCW 四個字, 冇任何東西有公司 logo 俾我睇到。佢一係門口除鞋入我屋, 嘩....臭氣渾天...我開窗都唔掂。佢態度極差, 說話好晦氣....我都忍佢....只求佢安裝好...我上到網。但我始終忍無可忍, cut data line 長度又唔問我, 話 cut 就 cut, 又用鬧我的語氣答我 d 問題。
我要爆炸啦 !!!! 我指住打開左門架門口....「我要你即刻走」....我講呢句說話講左兩次....佢的反應係嚇死我...佢突然伸隻手出黎...佢話「我向你道歉」。
我俾機會佢繼續完成安裝, 好可惜, set password 失敗時, 佢竟然叫我 call sales 問點解 password set 唔到?
有冇攪錯 !! 咩唔係佢問架嗎? 點我? 太受氣啦!! 最後, 我叫佢拆晒 d 野, 我唔「安」啦!我寧願唔用 broadband. 我叫佢快 d 走....亦補充一句..「下次唔好俾我見到你」。
我已取消 order and 已作出投訴。我現時係用附近接收到的 wireless 訊號寫呢個 blog。

寫唔到 Blog

最近, 因 install anti-virus/internet security program 時,兩隻 software clashed...個 computer 又受傷。所以, 又要做 system recovery。攪完 recovery 後，想重新Install手寫版 software時,發覺手寫板 隻 CD 失左蹤，所以寫唔到 blog。哈哈, 依家隻 CD software 行番出黎啦！我又可以寫番中文啦！

近日, 天氣反常，令我好唔舒服。又潮濕，又煙霞，又忽冷忽熱，所以，五天冇出露臺。昨天早上，返エ前想出露臺試天氣，點知，嚇死我，竟然有一隻禽鳥屍體。我急 call 漁農處來清理。其實，我掛左 CD 係露臺嚇走雀鳥。但風吹雨打，銀色部份脫落，，，，失效啦！我懷疑呢隻雀鳥飛來時撞正玻璃窗,,所以撞暈左, 失救死亡。我可能要擺隻「稻草人」呢嚇走雀鳥啦！

中午時，我的 lunch 有著落呀，好多謝班「仇家」同事請我食 lunch 呀！

晚上，下班後往「奧海城 」賣藝。打烊時係 9:30pm，「馬戲團」同事 Patrick 話行路出旺角係好近架...佢係旺角搭巴士返家。我見行出旺角好近，好心陪佢行。有冇攪錯？行得我好辛苦，一 d 都唔近。又凍又大風，我雙腳凍僵了。又行上天橋, 又落天橋。凍死我啦！！簡直受難，好心冇好報。佢仲話「行下路有益健康」。我投降啦，下次我請佢搭 taxi 去旺角，唔好要我行。

Kung Hei Fat Choy

Haaaaaaaaahaaaaaaaaaa........最近我避寒呀 !

農曆年前, 有幾天去左「新加坡」。整天四處遊蕩, 可以叫做「無建設性」。有一晚係星加坡Friday Fever, 朋友「白雪公主」晚上十點半做完facial 來酒店接我。我地玩到凌晨 3 點....呵呵!!! 所以, 避過最凍的幾天。

可惜，寒冷天氣未完，過年終於凍到我整天捲在被子裡。凍到人都好懶散。食啦...訓啦....肥左幾多磅呢？

下星期，會正式投入エ作, 首先係泒開工利是俾「仇家」......交「保護費」呀.....hahaaaa

大傷風

終於病倒了！我剛剛飲完「lemon+ginger 煲 coke」。頭赤赤....我依家去食 panadol....訓覺覺豬啦！

寒冬食物

天寒地凍最好食蛇羹.....我食左一碗....係咪好「核突」？飯後食左「湯丸」。又飲左少少紅酒。「暖笠笠」啦！

凍

嘩.......真的覺得凍凍地。因為我要買 Mark and Spencer d 餅乾俾同事食，所以傍晚係中環下班。去 IFC Citysuper 買豆腐啦，菜啦，魚啦，肉啦。返家一煲攪掂.....暖笠笠。
呢 d 天氣好易冷病，你地記得穿衣呀！ 唔夠衫就話我知，等我買俾你啦！

上海之旅 - 3日2夜

匆忙中,抽時間往上海一行。上星期四乘下午機。五時抵步後搭 airport shuttle...再轉地鐵，再轉 Taxi，抵達家中時已是七時啦！姑媽已煮好飯等我啦！嘩....大閘蟹....掛住食.....因太好味道.....唔記得影番張相俾你地睇添！佢地呀....越搬越遠，由徐家匯區搬去閔行區，現搬左去「莘松區」。佢地認為住「別墅」可有好大個花園種花草樹木 (睇下第一張相)。所以，我 day day 都食「綠色」菜....好嫩架！間屋太大呀....以前 1400呎 apartment 有四房好 d wor .....現時太大唔好呀 - 因為去廁所要行上二層 (因我住三樓) 或行落一層。食飯又要行上一層，好煩....上上落落。沖涼係用太陽能 (第四張相) - 夠環保！

星期五...天未光 - 五時半起床。六時 Taxi 司機已打電話來，車子已在門口等我。嘩....點解表姊會穿好衣服架？？佢話要陪我一齊出去啊 ！！！哎唷，我要辦一件 confidential 架公事......唔講得俾佢聽呀！我們乘的士往地鐵站，乘地鐵去「人民廣場站」再轉線去另一個站。對方已在地鐵站口等我，帶領我步行去目的地。抵達後，我叫表姊係外邊等等我。我和對方入房間，處理重要事情。十五分鐘便辦妥。跟住.....去杏花樓飲早茶。十點鐘去南京路，表姊買左「白天鵝」！好快，堂家姐出現，一齊乘 Taxi 去食 lunch。亞叔來食lunch 見我呀！

下午返家，冇野做....好無聊......係廳間躺在 sofa (第二張相) 懶洋洋....訓下覺覺豬。見凍，都係走上三樓房間開暖氣再訓過 (第三張相)。六點啦.....食飯 lor....七點食完飯.....齊齊係客廳睇電視。九點正，晚安......又要行樓梯去覺覺豬啦。訓覺都要行樓梯先有得訓！返上房間...冇開電視, 便倒頭大睡。

星期六，食湯丸做早餐。出花園逛逛.....睇下今日食咩菜？另外,二個表哥 and 表姐來吃午飯，一檯人呱呱嘈....食 Bull frog (牛娃).....飲「白天鵝」湯。飽飽啦.....二點鐘啦....叫表哥快 d 車我去地鐵站......各位！我要走啦.....搭飛機前去「南京東路」買「鴨腎」俾我 d 波士食呀！

哈哈.....機械式及服從性高的生活玩完了。

今天趣事

哈哈.....今早返公司。下午及晚上返PEAK 馬戲團。

今日係「馬戲團」2007 年最後一日 show。哎唷!! 今天下午竟然有人無法出示任何身份證明...包括名片, ID, 車牌, credit card, Bank ATM card, 醫療咭....無任何一樣東西證明佢架「名字」。佢身上咩都冇，點出街呀！擺明搏大霧....係替身，代人「坐分」。佢終於浪費兩小時，但我地無「泒分」俾佢。 同事叫佢下星期一帶同 ID 來搵番佢補領「分紙」。佢最後決定棄權....因我地個個認得佢....帶 ID 來架肯定另有其人！Sorry...佢知呃唔到啦...！死未...你估 PEAK 甘易俾你呃！要呃行遠 d 啦！

晚上，又有人遲到。「馬戲團」依照法例執法。呢個人係度兇人，又搶文件，又大吵大鬧。攪到好嘈。嘈係冇用，冇人會屈服，亦冇人情講。最後，佢都要離開。業界真係太多「衣冠禽獸」！

MERRY CHRISTMAS

近日真係好忙呀！

人人趕住埋數。但百忙中，我都抽左時間出黎...係 12 月 17 日開左 Christmas Party. 同往年一樣，我和義工朋友係私人 Club 為 mentally handicapped 的 children 安排一個 Christmas Party。由律師朋友辦 Santa Claus. 佢話件 Santa Claus 衣服窄到令佢好難透氣。明年，會叫做 tailor shop 的義工朋友做個一件大 size d ga Santa Claus 衣裳。

明天，我會為自已安排 Christmas Gift。每年，我的 Christmas Gift 就係捐錢俾國際慈善團體。上星期五，同朋友食 lunch, 傾開捐錢話題.....所以，已決定今年捐錢俾「眼科飛行醫院」作為自巳的 Christmas Gift la.......hahaa...

換左 Hard Disk

ha ha....我終於用 $375 係黃金買左一個 Samsung hard disk la..花了些時間, 小心地將 notebook 換上新 hard disk. 又再花 d 時間 install OS...software....haha...隻腦修理好啦....又可以 update blog la.....hehe haha

COMPUTER BROKEN DOWN

Calling calling....my computer is disabled as its heart was broken down last weekend....I am looking for a new hard disk and will do operation for my notebook. I looked for a harddisk in Wanchai computer mall yesterday after work but failed.....

I will try again...in Mongkok computer mall......Hope I can buy a new hard disk and repair it myself...Fortunately, I borrowed a compaq notebook from "PEAK"......for temporary use....

12月4日 PT 12F 街市大集會

d 人又係頭大兼冇腦！問野冇 sense。有人挑剔發問。亦有人玩「群眾壓力」，辦演「黑社會大佬」，話佢所捉出 ga 要求即係代表晒全部「衣冠禽獸」ga 要求，希望迫公司乖乖就範。「羅蘭士」突然閃出來陣壓。喂...大佬呀！我無叫你代表埋我呀！正唔知醜！我自己會代表自已，駛鬼埋你班「正牌爛仔」堆呀！

weekend 做咩野

近日幾忙，每晚凌晨兩三點才去覺覺豬。上星期六，未訓醒便晨早入大埔做義工，繼續做維修工程。星期日，去朋友家中，一齊收睇電視補選節目。突然，朋友嘩的一聲，她告訴我她不小心在浴缸沖走一塊 2吋 x 5 吋左右的厚棉布。浴缸塞了，去唔到水！她媽媽話去買一個吸力大的大 pump回來，可將布塊pump走！我話有冇攪錯呀？點 pump 呀？佢妹妹話都要 call 人來通渠啦！我問佢地屋企有冇「粗硬」鐵線？佢地找來一條「好硬」的粗鐵線，但係好短

，只得 8 吋左右。甘短，點掂呀！我用工具將「粗鐵線」一端 屈少少，屈成 90 度角。我放這支「粗鐵線」落浴缸渠口，盡量將好短的鐵線順渠位直入，我好怕鐵線跌埋落去！我感到有東西阻擋條鐵線，我不停地去郁動條鐵線，攪了幾攪，哈哈！塊小棉布被我係條渠入面拉番出黎啦！

「狗」巴 - 巴士司機

Do you know I am very busy ar ? 噚日，係 PT 8/fl 見到兩個「街市佬」煩住 「安娜」。我一見佢地 d 文件我立刻「罵」。叫佢地唔好阻住地球轉，唔識就唔好做。公司俾 $ 上線，上線收 $ 唔做野，又「豬」到唔識做 。兩人齊齊煩住 Servicing Account Executive！唔知「醜」字點寫！我靜靜雞話晒俾佢地聽「呢個」其實係「巴士」司機呢架！佢係「狗」巴做司機。哈哈！佢果 d 上線同佢一齊呃公司！公司應該唔知架！搭「狗」巴時，留意下啦！d 人根本冇誠信，又呃公司，又呃客戶！做「巴士司機」鬼識做咩, so 我對佢地「亳不客氣」。不停踩多幾腳！ 佢地煩完 「安娜」 ，又堅持要搵 「莎畫」。如是者，擾擾攘攘達一粒鐘！我今早致電 ESQ1 學「事非」，支持 PT 8fl 長期落閘。

今日下午，我去中環 Herbert Smith 聽 seminar。遇見業界一位「德高望重」ga 前輩！我讓個靚路口位俾佢，自已坐入一個位！甘就慘啦，呢個位對住冷氣風ロ，足足吹住我個「頭」兩小時呀！六時完畢，又要係六點半前趕往「灣仔」「山頂馬戲團」，簡直「饑寒」交迫，中環又截唔到的士！冇計，只好搭 MTR 再跑步。終於，係六時廿五分到達「馬戲團」，好野，冇遲到！

Too tired

營營役役，最近幾忙，「保記」及「馬戲團」兩邊走。我最需要訓覺覺豬。「馬戲團」ga Flora 遲早要我負責洗廁所 ，真慘。「保記」..哎....哎...，day day 都搵唔到人。我 d 老細們，你地係邊？點解冇人啋我？

保記同事-有野講你聽

哎....上星期五，馬戲團命令我往中環某大銀行大樓向高級管理層「賣藝」。點知，保記有兩位「男」高層出現。我只可用「頑皮」兩字黎形容這兩位高層。一直來，我的背景係唔會曝光，只有 HR 知道。因我係代表「山頂馬戲團」。但這兩位高層一坐低，全人類都知我地三個係同一公司。我真係好驚我「賣藝」ga 表現令他兩人「面目無光」，我真係唔想累「街坊」。這是我第一次「賣藝時」背景被曝光。其實，我今次係被「馬戲團」一個 媽媽迫我去呢間公司「賣藝」- 賣我落火坑。所以，我便係呢「兩位」高層面前「賣笑 and 做小丑」兩小時。

昨日下午，我被一間中資機構邀請向一間國內訪港保險公司的 35 位經理授課 2-1/2 小時。係用「煲東瓜」。佢地 d 文化仍照舊，臨時改課題。正式官方制定課題冇興趣，只係對我額外增添的課題有興趣 - 包括 「客戶行為摸式的轉變」「金融服務一體化」「另類分銷渠道」「產品未來發展方向」。又寫左好多「題目」叫我講....有冇搞錯，甘都得？

俾蜜蜂咬

我今早去做義エ，天氣非常好。但唔記得帶 camera...影相俾你地睇 ! 我用架小型機器射洗小屋子....沖乾淨才掃漆。可惜, 臨離開前被蜜蜂咬 ---嘩...痛死我！我係第一次俾蜜蜂針 ga....朋友替我在手臂上拔左支「針」出黎....叫我不要踫「針ロ」...叫我唔使睇醫生。痛完啦....依家冇事啦！

我買左咩野

哈哈 !!! 揹左一隻鑊返黎....重有呢 d 係雜貨...我用海郵寄緊返公司。
我酒店房間窗ロ望出去就係呢間「星加坡國立圖書館」，豎立市中心商業區黃金地段。每日，我步行 5 分鐘便到達 library。我每天都在這「國立圖書館」渡過 3 - 4 小時。我掛住係圖書館做野，所以冇去唐人街買豬肉乾。
有一晚，白雪公主 9 點鐘下班後車我返佢屋企，拜訪「伯母」and 「姑姐」。嘩....好熱鬧，佢亞嫂又有 BB 啦...係第 3 胎！佢話 3 weeks 後便會生 bb 啦！另外，2 個小皇帝好活潑地係廳間跑來跑去，又楂「汽車」在玩。白雪公主食完野便車我和佢「姑姐」去一個「新蒲點」。係舊軍營發展成一個類似「蘭桂花」ga 蒲點。
我去年12 月去過 Singapore，今年 2 月份又去過, 距今相差只係8 個月....變化真好大，酒店狂加價。房間緊張。我住的酒店近「會展場地」，加價幅度 50%！由於我係熟客，才有 10% discount. 哎...股市旺，樣樣加價。嚇親我....d 野貴左好多。

放下假

我認為應該搵地方透下氣, 所以決定放假 4 天, 等你地冇機會蝦我。你地就要乖乖地係公司繼續捱命啦！我會用 貓貓 和你地聯絡。

COPY CAT

哎....真係 no eye see la！d 產品 copy cat 唔係問題。問題係 copy 到古古怪怪。又係 chinglish....唔係 English。如係 Chinglish....2 個 servicing account executives 都冇講錯，全部照字面解呀 ma！如係 English, 應講唔通，亦解唔通，毫冇 sense，好無厘頭。最正確係 delete 左 "geriatric nursing"。我估係 copy cat 制造過程出錯，抄錯左 or 抄多左。唔知點解，又照抄果種！

點解我地呢間工廠 d 產品甘多「窿」，又有甘多「次貨」？

又係穿窿產品

細細聲講你地知...我噚日想打電話俾客...才發覺件產品有 d 穿窿。有 d Chinglish 我又唔明點解！我好衰，立刻週圍「搵人」問，但冇人采我呀！有人覆我 email 話佢 "super super busy" wor...甘證明係一個好好「籍口」唔釆我！因為 BUSY 係最好架武器....BUSY 係大晒架。唔使擔心，我會繼續騷擾你地...追住問。其實....我已經有答案啦！

Sunday mood

有個「亞姨」激親我！！所以，我打電話去 USA 講「是非」俾「舅父」聽。我星期六打左幾次，無人聽。係 USA 星期日 晨早時間 9:30 am 終於搵到舅母聽電話 。我問佢點解唔早 d 起身，我要講佢「亞妹」「是非」。事件起因，亞姨話佢嫁女，雖然，我未必能保證出席婚宴，但我一早都預備份「賀禮」，打算親自送俾佢。叫佢唔使「預個位」俾我，因我怕會臨時「缺席」婚宴！但搵過佢幾次都冇人係屋企。點知，當我星期六俾電話佢...想去佢屋企。...佢係電話「激親我」！呢個世界係咪「唔得閒」係犯法？要打靶先？佢「激親我」，係咪可以唔俾「賀禮」佢先？我係咪可以慳番份「賀禮」先？佢簡直係「頭大兼無腦」，講野唔經「大腦」，單單打打，有佢講，冇我講。佢根本唔知我想講咩野。我話我打算去佢家中搵佢，佢又冇問我點解去搵佢。佢夠膽死話「你十月份第一個星期冇俾電話告訴我...你得唔得閒黎飲，我依家冇預你個位啦！爆哂啦！你既然甘忙，等你慳番唔使做人情啦」！佢傻架.....俾面佢就叫佢一聲「亞姨」，唔係既就當佢係「乞姨」！
點解要打電話去 USA 俾舅父？原因係佢同我一樣，佢係 USA 唔會返 HK 出席「婚宴」。我問「甘佢係咪唔使做賀禮呀」？
徵詢家人意見後，最終決定係「我會用掛號信將份賀禮寄佢家中」。zyx☆☆&^☆%^&*

睡天橋底

你地 see see....我呢個 week 要訓「天橋底」。有朋自遠方來，我將間「大房」俾佢訓，自已訓「細房」，「細房」冇床 - 要打地鋪。

石屎剝落

See see la.......洋人工程師 影左「屋子」簷蓬「石屎剝落」的位置。佢告訴負責人「石屎剝落」係 minor structural problem...volunteers cannot help....she has to contact the Government for contractor service.

國慶假期

星期六大清早入郊外做義工。上星期做的「防滑」工程好釆仍健在。睇下 呢 d 相就知啦！


「防滑」工程暫 OK...但屋子門口的天花便命不保了。其實，上星期給天花掃漆後巳發覺天花有d 地方上唔到漆油。我地將有「裂漆」痕的天花位置重新剷去漆油。朋友買來一桶 sealer作補救。 可惜，屋子外牆有 d 地方石屎剝落，外籍工程師朋友小心翼翼將石屎一塊....一塊剷下來。我地交左一塊石屎給 office d 人，叫佢地通知「政府部門」泒 contractor 來維修「外牆石屎剝落」，因義工無能為力。返家後好疲倦，去「訓覺覺豬」。
星期日冇出街，係屋企吸塵，睇電視...包括「世界女子足球」and 「亞笨與亞占」，又返過 office 取文件回家做。

假期做 d 咩

中秋節翌日公眾假期天氣很好，我訓到下午一時才起床。個人訓飽感到好輕鬆。買下野, 出街打邊爐來渡過一天假期。

希望，遲幾日的星期六天氣會繼續晴朗，因為可以去做義工。夏天太炎熱，容易中暑，所以炎夏時義工之工作暫擱置。最近開始秋涼，我和班朋友恢愎逢星期六去做義工。因手頭上有好多工作等我地盡快完成。

上個星期六，我地早上八點15分已抵達營地。工作係做「油漆」。朋友話上星期有小朋友「滑倒」, 所以要在小屋子的門前石級掃上「黃色」漆油, 又要鋪上「防滑沙粒」。我地用「瓷磚」專用漆油，混含一些「膠」油，再倒一些「鋼沙」，攪混後便開工。今次得到的經驗..係「鋼沙」會浸底。所以，在石級上掃完「漆油」，覺得「鋼沙」唔夠，又要係剛掃好架「黃色漆油」上面灑上多些鋼沙 - 務求達到「防滑」效果。做做下發覺有一位年青小子出現，原來佢係義工，黎教小朋友鋼琴。甘樣，我又「掃油漆」，又欣賞小屋子傳出來 ga 音樂聲。這位年青小子真係好熱心，幫助社會上「不幸」的小童。我記得去年聖誕假期，當我們正在維修小屋子時，有一班外籍人士，帶同小孩子及一批音樂器材到來，原來佢地係愉景灣租左架旅遊巴出來, 走黎唱聖誕歌俾小朋友聽，為一批不幸的小童帶來聖誕歡樂。

當我行到第ニ間小屋子傍邊掃油漆時，我又發覺屋外有個鐵籠，入面有 2 隻可愛的「小狗」，有隻蜜蜂不停想襲擊佢地，原來呢 2 隻puppies 係隻大狗生的。噢！我歇暑 3 個月，大狗已生左小狗仔 tim.....

雪梨水

好足料 ga..有雪梨，apple, 南北杏，雪耳，果皮，蜜早，十幾粒無花果。(冇落糖)
我約左 April 公主下午 2時係公司樓下間 「星buck」搵我拿雪梨水。

放工買左咩東東

我今日收工買左張地氈，巳經鋪左係梳化位置。
搬完地氈返家後, 我再去超市買雪梨。點解？因為我噚日煲左雪梨水俾 marketing d 同事飲。April 公主話佢冇得飲，佢嬲我呀！叫我以後唔好搵佢 wor...佢叫我以後有咩事就去搵 marketing la。所以，我要哄番 April 公主，我應承左 April 公主我會 asap 煲俾佢飲，仲會親自將雪梨水送去 ESQ1 俾佢。
我明天要早 d 起身煲雪梨水 arrrrrrrrrrrrr.........

星期日做咩野

「打掃家居」及「打地臘」, 睇 「新聞」and 睇「亞笨與亞占」, 及 簽 「新租約」。因為管理處催左我幾次簽回「新租約」...佢話公司要幾份新租約一齊拿去打「釐印」。因政府公務員加薪，所以我係「馬戲團」既工資，從 9 月份起，獲得加薪 5%。但業主加我租金係 10%。呢 d 數點計架？illogical ！

唔好以為剩係我地呢行賣「爛橙」and 賣「次貨」。我發覺張租約 (係由律師樓負責處理的租約)....條款內有兩條「條文」互相抵觸。你地估下我點做？我當然係修改左「對我不利」既條文, 保留「對我有利」既條文。呵呵 ！要做一個「明智」既租客啊！

已續租約

冇計啦 !! 全球資產升值, 都要接受加租 10%. 如果唔係, 要搬去公園住。管理負追左我幾次, 簽回續租約文件。簽名前, 當然係改細個租金...因大業主答應加少 2%。另外，加上兩段作為續租約條件。一段 ga 意思係 「業主負責物業維修, 包括 landlord fixtures and fittings, electrical and household appliances provided by the landlord」. 另一段係「如住客要求,業主需要將單位掃新漆油」。岩岩簽好份文件, 交左俾 management office.

PT 12/Fl 街市集會 - 阻頭阻勢

我的心聲:-

我對 "星期三 PT 12 floor 街市集會" 好反感.

d 街市小販冇規矩, 冇禮貌, 冇家教, 冇學校教.

鐘意就...走..走..走 or 出出....入入...一齊起哄

要走, 不知所謂, 成何體統? 要走就唔好來,要來就唔好走.

我隔離果個 "去死又唔去死"...我忍唔住出聲

問佢...做埋手勢..."請問你走 or 不走? 如果要走, 請立刻出去"

嘩 ! 加租呀！

一個月前已收到續租約通知書！ 加租 12.5%. 我兩星期前 tel 大業主 office 叫個負責人考慮加少d租 ...我話...好窮呀！減 d 啦！我好采同管理員關係好...佢話有 3 伙人冇議價便簽左。唔係呀...唔議價, 想累死我嗎 ？

上星期五係 31 號...續租約 deadline, 我再 call 大業主 office 問負責人...點呀？你地知唔知佢幾垮張甘話「哎唷...我同你 fight 到牙血都出晒呀, 加少你 2 %」。我同管理處 check 過, 同一樓層一個月前搬入新住客C單位的租金...佢真係收平左我。

租大業主物業唔好處係 - 全幢大廈租金係 standard 的, 好難減得多。

我打算再問下可否減多 1.25%。如果佢唔肯減,我都要續租約 because 我唔想留落街頭 - 去訓公園呵？

眼鏡爛左

激死我！上星期三係 Austin Road "星buck" 飲 coffee...天氣炎熱，一入 "星buck" , 立刻除下充滿「霧氣的眼鏡」放檯上。服務員話 coffee 要等 2 分鐘。我閉目養神，享受「自我孤獨」的時刻。有個 3 - 4 歲 ga 小男孩走埋黎，我冇理會。繼續閉上眼睛。服務員遞上 coffee, 我倒進 coffee sugar，正想取 stirrer 攪攪 coffee，突然，有聲音 disturb 我，回頭一望，有位操外語的女士，手持我的眼鏡 - 嘩 ! 變左形，玻璃飛脫。My God....點解會甘 - 對眼鏡 7 月中配 ga...？咬唷...我唔係甘吸引呀...原來小男孩走埋黎拿走我的眼鏡...我都唔知！個女士操「日語」or 「韓語」??? 我攪唔清楚？我手持「爛眼鏡」，呆望一分望，個女士不停甘問，我唔明佢問乜？我當時個心唸「佢甘誠實，自動投案，通過左「道德行為」標準，我應點做」? 放過佢？但我係受害者！ 我叫服務員埋黎，我話 "呢個場屬於你，I hold you liable, 你同我攪點佢"？服務員叫佢賠 $ 俾我，叫我地雙方交換電話，配好眼鏡聯絡對方付款。我當然唔肯，要即時解決，冇謂拖泥帶水。我見佢甘有「品格, 甘誠實」，我同服務員講收佢 $500 擺平件事。

So, 收左 $500 - 點夠配番對眼鏡？我冇打算賠保險，蝕自已 and insurer 既時間及行政費。如果甘樣都去賠保險，簡直係身痕！唯有自已補貼尾數 >$1000！

有同事話要睇

...

新玩具

終於換番件新玩具。個sales 服務態度非常差，從來

唔 call 我，次次要我 call 佢。有錢買玩具真係好受

氣，sales 賣野冇 product knowledge，總之，做生意

至上。賣左俾你，話知你死！

任何行業都同我地呢行一樣腐敗，冇道德可言。我每日都係賣緊「爛橙」，賣緊「次貨」。簡直冇眼睇！暫時用呢件玩具頂住一年先。

好煩呀

救命呀! 呢個咩世界呢架？

俾$187 來買件貨，竟然蝕晒我 d 時間，不停要解釋，甘多野問，做死我呀？

上天、落地、跳樓、跳海...問題問過不停！我要抓穿個頭去答。點解要我做甘多野？呢 d 野應該係你地做、唔係我做架！你地快 d 俾我 一仟幾佰大圓，補償我 d time cost。

「激流」係咪 = 玩獨木舟？我鬼知咩，我從來冇玩 d 甘無聊架水上活動！ ma ma ma ma..... xyz#$%^&*................

第一次發火鬧人

個股市仍然驚濤駭浪，要三思而後行。呢個政治市唔係你地玩架。知冇？

噚日，係 office, 我大聲發火鬧人 - 係第一次。點解？有個街市婆違反公司規矩，帶埋個 四、五歲左右架仔來返工。係 office 跑來跑去，仲用張公司職員access card 吊住條頸出出入入，大玩 4 度玻璃門，認真好玩。有冇攪錯，4-5 歲有職員証？？突然， 好猛烈一聲「隆隆響」, 我一望，原來係度玻璃門聲音，度門仲係度「打泠震」，沖力極大！我忍無可忍，大聲喝個「小男孩」。我問佢「你有冇搞錯，你叫咩名」？我氣沖沖睇佢吊住條頸張 access card 屬於邊個人。全人類第一次睇見我發火！！！我急 call 有關 dept 上黎處理。正當有關同事準備上黎時，個「街市婆」帶埋個「男孩」黎搵我「道歉」。我都唔識佢係邊個？

如果，度玻璃門 collapse, 傷及「男孩」，都唔知係個「街市婆」告公司賠番「個仔」俾佢 or 係公司告番個「街市婆」賠償度 glass door？我總共 call 左 2 個有關部門的同事，佢地當然極度關注此事故，好快會採取有關行動。

d 人簡直係無法無天，成何體統？？？帶埋個仔返 office！！！

Roller Coaster

嘩.....呢兩日，跌到人心傍惶，驚天動地 - Global Financial crisis ! 最近幾日, PT office 冷清清，平日果班高調炒友失散蹤。連個商場都冷清清，相信好多人因壯士斷臂唔見左好多血汗$$$。

呢兩日，forum 班 net 友都唔見哂，可能心情欠佳吧！

傳統投資變為「投機」...再演變成「睹搏」。呢 d「政治市」邊係小市民天地，點夠大戶玩呀。根據 forum d 人自已報告, 多數平均輸數十萬元。

貪字得個貧，可惜「忠言對冇知的人永遠係逆耳」。

鐵皮屋貨倉

我好早已抵達「洪水橋」，我當時唸緊係咪去「豬場」 or 「汽車殘骸區」。我今次順便向這公司提供了「即場教育」，包括合約上「重要條文」。

貨物係貨櫃取出時包裝有損壞 - Inadequate packaging

你地睇下，呢個倉冇分貨物類別, 高,中,低風險放在一起 (包括易燃液體)

鐵皮屋貨倉門口

同事俾人鬧

有個客係電話中大聲鬧....唔係鬧我 wor...係鬧 d 同事。又話出單出得慢, 又話星期四 fax 左過黎, 應該星期五出左張單....阻住佢去收 $$$。ma ma ma ma....你估公司剩得你一個客咩！你有幾多生意可包起我地提供即時服務？我 d 同事係有亞媽生架，唔係返工俾人鬧架。

果 d 客成日以為自巳天上有，地下無，以為冇佢生意我地會餓死！佢地要求有隻 DOG 隨時隨地俾佢駛。佢如果開個價令我滿意，我唔介意做隻 barking dog ！

我再call 佢, 我話「我 d 老細好多單要做，以後如趕住要單收 $$$，唔該 chop URGENT，等我 d 老細同你爬頭做..」佢聽完冇出聲...我收線唔啋佢。

我明天要早起床.....because 8 點半要去元朗洪水橋 inspection。

睇下係咩野

等我講 d 開心野！今日返公司收到呢隻禮物, 係ESQ 24th floor 一位同事送俾我架. 你地估下係邊個「仇家」對我甘好？其實, 上星期 PT 8/fl non-gi dept 都有位同事送左份禮物俾我, 不過我還未帶返屋企.

• 哎, 放工時份, 大約係5:30 pm 左右, 有個行家 call 我飲 coffee. 佢上星期四下午係「山頂馬戲團」睇我賣藝. 離開時佢猛話有事要約我. 佢擺擺條尾我已估到佢想點啦！因為佢 2 年前搵過我，我冇采佢。今天踫番，真唔好采 ! 佢一見到我...我未透到氣...立刻單刀直入, 「通天經紀」的本色表露無遺. 一個「毫無道德標準」 ga 通天經紀足足悶左我 1 小時15 分. 佢叫我將最近數年「馬戲團」的「資料」俾佢, 佢有計劃搞多樣野, 到時佢同我拆悵. 佢又叫我介紹佢混入「馬戲團」做一段極短的時閒, 等佢可以係C.V.有個記錄, 又可有機會取到「馬戲團」更多資料, 方便日後撬生意. 嘩....正人渣....甘冇品格既野搵我做, 倒不如叫我去做賊好過啦！呢個人其實最適合去 d Vice Establishment 做「媽媽生」.

• 跟住, 佢言歸正傳，講番我地呢行！ 好神奇，佢毫無 knowledge and expertise， 但竟然咩都殺...簡直驚人...包括「上天」「 落地」「飛機」「輪船」「 大炮」「傷人」「放火」「產品殺人」....總之, 有殺錯，冇放過！佢業務來源係所謂「關係」. 當然係冇免費午餐 - 所謂「關係」即係檯底交易。佢猛叫我介紹生意俾佢, 一律拆佣。 甘同做扯皮條有咩分別呢？

假設性問題

等我話你地知「咩野」係你地通常拒絕回答問題時用架標準句子 - 「假設性問題係唔會答」？

1. This is a question about something which is not true but could be true !


2. There are cases where a hypothetical question can be dismissed, however, it is never true that a hypothetical questions can be dismissed only because it is hypothetical.


3. A hypothetical question is one that is answered only in terms of validity, not soundness.Thus the question is designed to make a number of assumptions, and be answered as if those assumption are true.


4. Normally when someone dismisses a question because it is hypothetical, there is a good chance that he is trying to avoid dealing with a difficult situation and hoping no one will notice.

你地每日都話「假設性問題一律唔答」. Why ? 因為市場充斥著一大批「一流客戶」，但呢批一流客戶係強烈要求「九流」服務 - 即「旁門左道」。更何況我地呢個行業 d 客戶及中間人 - 大部份係缺乏「道德」行為標準，以「假設性問題」套取「真實事故的答案」，繼而再以欺騙手法「偽造一個真實個案」, 意圖詐取 $$$ 既利益。所以，為了保障公司利益，你地採取「逃避策略」「一律唔答」...我唔會話你地錯。我每次係「山頂馬戲團」返工時，見到此類「中間人」，己感到「嘔心」...佢地一樣欺凌「馬戲團」 d 同事。但我唔係「九流」之類，我有「道德標準」, 你地知架 bor。我精通「旁門左道」，使鬼問佢「假設性問題」.....真係要 xyz 滿天星斗...ma ma ma ma ma ma .. xyz#%^&*"?#^&*~...

係今次個 dispute, 我從來冇問呢個同事 any hypothetical question. 我所問架係「合約條文」的詮釋。果位同事冇正式解答我條問題，便一腳以「hypothetical question」踢我走。佢當我係「九流」？我唔怕話你地知，假如我聽話聽教, 聽佢話去搵 CEO 投訴，我會要求呈交「錄音帶記錄」作為當日通話之證據。我唔會俾人屈，事實就係事實。

咩佢原來唔知我個人「衰成點」？我咪係「衰到」好似依家甘「咬」「咬」「咬」。問你地怕未？我係一頭會「咬人」架狗....又或者係一頭會「咬人」架「癲狗」。你地依家先知道我會「咬」「咬」「咬」架都未遲。。。呵呵！！！

佢究竟有冇用下個大腦，佢有冇經 Mr. Horse 批淮先寫呢句說話？佢知唔知道煽動他人去 CEO 度投訴，係分分鐘會累死好多人架？好心佢啦....我顧全大局....唔會同佢癲....因我有「品」 lor！

重要通告

喂，我今日收到一個 email, 有以下一句說話... 呵呵..

"Everyone has own duties and I just do whatever I have to do. If you think that I haven't done my job and keep you angry, you have the right to file the complaint to CEO if you think it is necessary"

呢個人真係好有型 wor！！竟然贊成我去搵 CEO 投訴。你地估下如果我聽佢講去搵 CEO 投訴，我會點做呢？都係唔好講俾你地知，保持高度秘密。我係會有好多野講俾CEO 聽架。
你地現時開始記得打醒十二分精神返工，隨時隨地 CEO 會召見你地架。仲有，練下 d English ，因 CEO 係洋人，唔識 Cantonese。知道冇？？

甘樣，係咪叫我唔使俾面 Mr. Horse 呀？？

Servicing Account Executive

我 call 左 Servicing Account Executive...我叫佢地好好準備一下.....要睇晒 d 文件啦.... 要乖乖地逐一句, 逐一隻字慢慢解俾我知啦....要任我問野啦...又一定要識答我 wor...難度真係好高架！！佢地話個 Servicing Accout Executive 唔識解俾我知架。OK ! 甘佢識邊樣，我就問邊樣啦 ! 我話我唔想 ga, 不過既然有人寫呢個 email 俾我，我就照辨啦 ！反正，我有架係時間。但係，有人苦苦哀求叫我唔好嚇走果個 Servicing account executive wor！點攪呀 ？？

甘即係點？係咪要我去搵 CEO 盡訴心中情？豈有此理..佢唔單止唔答我野，佢仲夠膽趕我走...叫我搵 Servicing Account Executive....你地話啦...如果攪到我有野「咬住」要問...你估下Servicing Account Executive 識唔識答我呢？甘即係俾個機會我...去玩死佢地...又或者係嚇走佢地！哈哈...真好笑！！

我體諒佢算係新入職公司 (可能唔算新掛...做左幾耐???我唔知 - 因我都唔識佢), 如果唔係呢個原因，我點會唔「炮轟佢」！mamamama...xyz#$%^&*xyz#%*...mamamama...況且，我克制唔「丙佢」其中一個最重要原因係....我要俾面 Mr. Horse !

我係咪俾人蝦

Where is Servicing Account Executive ???? 喂...快 d 搵我。有個 manager 唔肯答我野. 佢覆我架email係極度「官撩」，全文如下:-

"Sorry for keep you waiting. Please be informed that XXXXXX colleagues will only answer to those actual real situation occurred and no hypothetical questions will be replied. If you have any query regarding the Policy coverage, please contact your servicing Account Executive. If there is any real case, please kindly ask your client to fill in the XXXXX XXXX and forward to us for handling."

如果係第ニ個，已經直接去搵 CEO 尋求答案，駛鬼問佢！甘樣覆我 email ？佢...哎....欺善怕惡 ! 好采佢踫到我呢個一等好人。我從來唔會學其他人去「老板」果度插人。有時，都唔怪得其他人去搵 CEO，呢個始乎係最有效架解決方案.

電視機的煩惱

換了 3 部機，上星期又hang 機，間廠立刻安排技術人員上門。技術人員終於見證 hang 機狀態。間廠主動提出「退機」要求。哎...技術太先進...始終有「蟲蟲」, 未有解決方案。但我好鐘意部機，我唔想退機呀！因部機係 1080p，效果又very good。我要求間廠修理「蟲蟲」，但間廠話暫冇「解決方案」。好慘呀！點解要拿走我好心愛的 TV！我唔想拋棄佢呵！
暫時，市面冇咩新型號選擇。有 $ 都好難買到合心水 ga 新型號機種-1080p。唯一選擇仍係 2 線牌子 ga 新型號機種 - 只係 720p/1080i (好多都冇 1080p)，用一年半載後，等新款機正式出爐，再買過部一線牌子新款電視機 - 配合高清數碼廣播。So...有 $ 唔係萬能！！！
好煩呀 ！又要帶呢部機去 Fortress...換過另一個牌子！

臺北照片

一行十多人係大學 lecture Hall 攪攪震！

晚飯時, 大學學生表演。夠膽放馬過黎？

晚飯時，大學學生表演 - 好文藝。

Reception Desk - 我日日都撩佢地玩架

皇后碼頭

天氣炎氣, 我近日多飲水 and 食生果。但噚日都有d 唔舒服。

點解有人炎夏絕食抗議。佢地搏咩！佢地受聘呢份暑期工實在太幼稚。想做好呢份工，好簡單，一於做烈士。駛鬼攪甘多野呀！你估下做呢個暑期 project, 佢地 $$$ 有幾多？

總之一句講晒，冇家教，冇校長教......簡直社會敗類

近日生活

俾人追我 update 個 blog。過去數日,我好疲勞, 冇精神update ！

7月26號 ----

晨早爬起床, 執定行李，因晚上離開臺北返港。在臺北的數天, 好公式化. 天光食早餐, 8 點鐘準時用一分鐘行過馬路。乖乖地跟住個 schedule 做人。10點 coffee break, 中午 lunch, 3點半 coffee break, 5 點鐘又行番過馬路, 1 分鐘返到酒店 - 當然係訓下覺覺豬啦。早餐普普通通, 午膳好豐富。每天上下午 coffee break 糕點係到會的 - d 糕點 and 小點 好好味！有時, 見其他人被捉住 social, 我便給他們遞上糕點 and 小點。又真係幾好玩。我又收到一 d 小禮物, 有「大細杯子」, 有「日本糖果」, 有「umbrella」, 有「小飾物」, 有「放大鏡」。

2 點 lunch 後, 各人開始道別 - 走的走, 留的留。我趕返房間取行李 check out。弊，開唔到門, 匆忙去 reception desk 求助 - 原來過了 12 點 check out time, 條門匙自動失效。我匆忙地取走行李 check out ,將行李寄存。因 2 點半要集合, 一行十多人要趕往大學。係大學匆匆忙忙逗留一會, 又要趕返酒店。噢...已是 5 點。酒店話我 9 點飛機，係要 6 點離開酒店往機場。甘我咪冇足夠時間買下手信？點知，酒店職員叫我步行去附近最大 ga 書店買野。我問佢書店有咩野賣？點知佢話我可以買 d 書返 HK！My god...竟然叫我買書？何解？我話我唔要買書呀....終於, 我在 hotel lobby 整理下篋 行李，都差唔多 6 點啦！離開 hotel 時, 又踫到 d 人, so 又 good-bye or hug 道別。

Taxi 駁 airport bus, 到 airport 已是 7 點15 分。好 tired 呀 ！在 duty free shop 買左幾盒波蘿乾 (係細佬叫我買俾佢食), 又買左隻鴨 - 叫做「鴨賞」- 我唔知係咩呢架？我見幾特別，又冇野好買, 就買啦！返到 HK, 抵達屋企，已是凌晨 12 點。管理員見我落Taxi, 走出黎替我拉行李。

我感到透支, 因為每日都要應酬好多人, 係應接不暇 - 個人極度疲倦。休息左數天，現在才可 settle down。但又要面對每日煩碎工作...好辛苦呀！

好鐘意訓覺

23 號係臺北 101 晚飯, 飯後眾人拉隊上 85 樓瞭望臺睇夜景。我冇去，因為有個做 Re 架晚上係 HK 到左 Taipei, 佢約左我飲野。我去佢酒店, 俾 d 文件佢，飲左一個鐘，10點半我乘 Taxi 返 hotel, too tired, 11 點已上床訓。但晨早好辛苦才爬起床。

噚日, 24 號, 有個 speaker 原來係 HK 一間International rating company 架 director. so 我盡下責任問佢是否留低食 lunch. 佢話唔知係邊？我話係對面我地眾人住 ga hotel 食。So 我便 escort 佢去酒店, 點知落小雨, so 我又遮埋佢。行行下, 佢同一位男仕打招呼, 果個人原來又係 from HK , 仲話見過我, 嚇我一跳！原來，佢係一間大 Re 架 VP, 我去年上佢公司搵佢同事, 同佢 say 過 hello, 佢仲問我記唔記得攪過佢 d 書呀？嘩...我話好彩我攪佢d 書, 唔係攪佢個人。慘啦, 離開 HK 都踫到仇家。

你地知唔知我有 $$ 冇飯食？我 6 點返 hotel 訓覺，8 點起床。「白雪公主」老細飛左黎 taipei，佢 sms 覆我有客請 dinner, so 佢失去 freedom, 要陪老細。又搵唔到其他人, so 我獨個兒8點半乘MTR 出去搵食...有冇攪錯，點食得落肚呀！全部街邊貨，搵唔到有店鋪食野。唯有去食左 2 件 donut and 1 cup expresso - 有冷氣 donut shop 好舒服。冇左「白雪公主」帶我去街街，真系好慘啊....好慘...冇飯食.

我係臺北

我呀！今早搭好早機來臺北。中午到酒店。好熱呀 ! 烈日當空 ! 曬到會變人乾 ! 有 d 人噚日到達 ga 話俾我知噚日係 38度熱。我冇出街, 係房做野，包括燙衫。傍晚，夠鐘就去 welcome reception ....週圍八下 and 食 light buffet。晚上，「白雪公主」叫我去西門丁，我話唔去啦，不如係房飲酒。「白雪公主」便拖住 2 個男同事去。我地 11個人就係房瓜瓜嘈，嘈到 9 點半便飲完酒，各自回房, 因明天要早起。「白雪公立」SMS 我現時買緊野番黎俾我食, 佢話 d 野 好好食 wor。so....我等緊食宵夜。

我住0既酒店其實是酒店式設計服務住宅，唔怪得有個用電磁爐 ga open kitchen. 我住間房係 studio, 好鬼大，又有好大 ga 露臺。但原來其他人係住套房，重有個好大個客廳...呵呵。呢個位置附近冇其他酒店。其實, 係咩都冇。因位置屬金融區，對面呢...隔離呢....全部係銀行大樓, 證卷大樓...人壽保險公司等, 又有 2 座叫 ESQ1 and ESQ2....連7-11 都冇。要行起碼 10- 15 mins 才有便利店。

電話響呀.....係「白雪公主」送宵夜來我房...佢話係要排隊買 ga - 叫做亞宗麵線

bye bye....去食野 luuuuu

歡場女子

噚日，係「山頂」office 見到一個行家。你估佢 ga 衣著係點？只可以形容係 「成個好似 朱 Sir 果個 Coco d 格囉」。呢 d 咩公司呢架？好心佢啦 ! 嚴重影響公司及業界形象。佢 ga dress code 又唔係 casual, 又唔係 business casual, 又唔係 business formal, 而係 「歡場 dress code」. 佢條裙短得騖人 - 得果幾吋長！上身著得超 sexy - 好似冇著衫！化晒濃粧, 金色長髮。婑人有對高腳鞋 - 點解佢冇「爬街」 ga？佢正職肯定係「歡場女子」。唉，佢不如全身赤裸好過啦！

佢間公司都唔要面既！話知你既正職係「跳脫衣舞」又好，「專業訓覺」又好，好心公司包場就定 dress code 啦 ！黎「坐分」就規定佢要換過件衫先黎呀嗎！一睇就知佢係晨早剛打烊就趕黎「坐分」。

個 blog 傻傻地

早兩日, 個blog傻傻地, so 寫唔到野。Google 應該有工程做緊。

天氣好 hot, 你地有冇飲「冬瓜水」or 「老黃瓜水」。使唔使我煲俾你地飲。我依家 1 week 都會飲 兩次。

日間，係 office 多數見 d 同事好專心「楂鑊剷」，$ 太易賺，佢地好開心。而我就慘啦 ! 只可低著頭默默地去幹 - 鬼叫「楂鑊剷」冇我份。

最近，幾晚都要到「山頂」馬戲團演「馬騮戲」。演出前，肚餓搵唔到野食，馬戲團 d 同事又好忙，要應對「奇形怪狀」既「買分」人龍。「大舊」搵唔到「糧食」俾我，好釆 Joyce 有件蛋糕救濟我。真係唔明白，點解無論係 office or 係 "PEAK", 都見到呢 d 「冇品格」，「冇人格」，只有「賤格」ga 行家。最近, 係緊張關頭，d 人「坐份」遲到便大吵大鬧。成隻 Crazy Dog 甘。又將 d 同事出氣。一年有 365 日俾你，鬼叫你臨急抱弗腳。我 always 當佢地透明, so 搵我係冇用。

佢地人人都係「對分入座」，又或者間中有 d 係「間蝶」，有 d 又玩「頂包」。我唔理你玩咩野，我每次 都 brief 「遊戲規則」。唔遵守便大庭廣眾 KICK YOU OUT。

估下邊個搵我

噚日, 我終於同「山頂」同事 lunch 左啦! 一檯15 個人...佢地原來好鐘意食「包」呀！「叉燒包」「雞包」「狗肉包」「老鼠肉包」「貓肉包」.... 總之, 有個「包」字就一定食。以後，你地同我 lunch 記得一坐低就 order 「包」，食完「包」便好快「飽飽」啦。幫我慳番 d $$$。

Lunch 後, 突然有位不速之客 call 我, 叫我估佢係邊個。原來係 ex-colleague, 佢以前係 under G.I. 「茉莉花」個部門。佢原本打算轉行, 又話要用時間讀書唔做野。點知游下游下, 咪都要做番老本行。佢十多日前 join 了一個 competitor, 見到 d 文件有我個名, 便 call call 我。我話佢知我有好多「仇家」係呢間公司。我叫佢搵我果d 「仇家」保護下佢, 怕佢人生路不熟, 會俾人蝦。

你知唔知我點同佢講？我話「好心你啦！既然做番老本行, 返娘家好 d 呀。」現今社會「道德淪亡」, 去邊度打工都要俾果班「無仁義道德」ga 人吵吵罵罵。佢地呢 d 人最緊要係「損人必利己」。係邊度做都踫番呢 類人 ga。

你地估唔估倒佢係邊個 ex-colleague 呢？

食飽飯啦

天氣好熱, 我剛飲完「黃瓜水」, 又食完 Long stem strawberry 啦 ! 呢兩天, 無咩特別. 攪下 d 私人野, eg, 交租, 出機票 and 酒店。 差 d 唔記得簽 visa, 好采 online 可以簽, 真方便. 今日去取 visa, 但要等半小時, 所以我冇取便走了。明天, 打算 8:30 am 去取 visa, 應該唔使等掛。

我今午去一個 competitor o既 office 聽 new product presentation. 只係 9 個人, 但有個「白痴」小販係 Q & A 時問左個好白痴o既問題, 不停地死纏住個 staff. 終於, 我要開聲輔助下才幫個 staff 解圍。好心 d 人醒目 d 啦, 唔好辦野問呢樣, 問果樣, 成日「出醜」。好羞家呀！

聽日, 應該係約左「山頂」d 同事 lunch ga, 點解今日冇人 call 我 confirm 呢？大佬呀! 你地食定唔食ga？

報告 - 街市

今早, 我又去 PT 12/Fl 個街市. 上星期俾我制止佢講電話果個「街市婆」今早俾我見佢遲到 - 11:15 am 才到. 「新地」講清楚「街市」規矩, 但有 d 人真係好「衰格」, 破壞「規矩」, 當 d 「規矩」係死0既 - 見有人走,第 2 個又跟住走 . 「新地」明明話左未夠鐘, 係唔淮走架。呢 d 係咩人呢架！竟然當「新地」講 d 野死架。「新地」應教佢地寫「禮儀廉恥」四個字。

不如, 你地話我知, 點解有 d 人 「智商」超低 B...人地講清楚「原居地」- 有個「街市婆」仲問埋 d 好無厘頭架問題. 有個「街市婆」又問如果遲左起飛, 中途駁唔到機,甘點呀？佢有冇睇清楚張單點寫呀？ 駁唔到機咪唔好去囉，關人鬼事咩！你地估下「柏梅拉」點答？「柏梅拉」答案係 "會支付俾你環遊世界...haha...即係話如果應由A地去C地, 但變左 A地去 B 地...再去 C 地..." 。我唸佢地應該唔明「柏梅拉」講咩野...但又冇人話唔明. 「柏梅拉」根本冇答佢個問題....應該係話「柏梅拉」答得好技巧...用「環遊世界」去解答. 佢地智商極低 B, 根本唔明個答案, 但又唔識問. 唉.....呢類人...甘架質素, 點做呀？好心佢離場啦, 唔好係度影衰 d 同業啦！

我原本唸住約「新地」lunch, 但佢兩日都唔得...所以我慳番 d 錢 啦...haha...！

行情 - I'm not a plastic bag

呢個 BAG 有咩野甘好呀 ? 攪到 d 人甘無聊 - 排隊搶 ? HK (亞太版) - 炭灰色邊 and 炭灰色字. US 版 - 海軍藍色邊and 海軍藍色字. UK 版 - 啡色邊 and 啡色字. UK 亦有薰衣草色版 , 應該係最靚, 全球200個 - especially for 一個慈善團體的. 日本版, 墨綠色邊and墨綠色字.
Yahoo auction 有一個一模一樣 ga bag, 但 d 字係 "I am not a stupid guy" ...哈哈 !!
Do you know 我都有 2 個 係日本帶返HK 0既 環保袋呀? - 刻有「明治大學」- 係冇得賣 ga ! 邊個鐘意, 我咪送俾佢啦!

快d 入黎睇報告-街市大集會

一開始,「新地小姐」講清楚遊戲規則。但係班「街市小販」唔生性。一於好小理，佢地有 d 人好唔守規矩 - 「冇品」。鐘意就隨時隨地起身「離場」或「遲到」，成何體統呀？12 點鍾, 當「新地小姐」開始講野，有一個「街市婆」想走，走左一半， 竟然企係我身邊用 handfree 講電話。有冇攪錯！「新地小姐」講定你講呀? 我 order 佢「唔淮講電話，快坐低」。好好笑 ！佢都唔知我係邊個，但佢真係乖乖甘坐低，唔敢走。GI Anna 見到架。

你估佢地問 「茉莉」 and 「新地」 邊類問題？e.g. 魚係咪有骨？橙係咪有核 ? 雞有冇腳？「新地」講得好清楚 "檢驗中心" 做 "測試"，有人問係咪 "入廠" 做。我亦聽到有人話 "點解有 d 字用英文講？鬼明咩! 佢竟然聽唔明 "follow-up" 及 "abnormal" 及 "公司要 payable" 呢 d字？

有一個「街市佬」曾 challenge 一絛問題。走架時候，佢見到我，覺得好奇，問我點解會係度。佢同我講，佢未睇完份「單」，睇完慢慢 Q 佢地？我覺得好好笑，知唔知點解？佢係度「辨野」and 「講大話」。佢根本唔知道份「單」係未 「出街」。亦未上 WEB...甘佢睇咩「單」呀？如果佢識睇「單」，甘我應該係將張「單」分屍，慢慢「咀嚼」品嘗啦！你地話係咪呀？

佢今日又蝦我

我今日係中環和同事仔食lunch! 食得好開心啊 ! 不過, 下午 返到 office， 「新地」「麥」又 蝦我啦! 你地話噚日聽見佢把聲 - 原來佢係鬧緊我 ! 今日, 你地聽唔聽到呀? 佢好似細聲過噚日。你地知唔知我打電話俾佢, 但係俾佢嚇到我好騖，唔敢講野呀。後來, 佢迫我出聲講佢想聽既野....係「秘密」呀.....唔講得出黎!!

佢聽日會黎 PT 個街市, 向班街市小販 (包括埋我) 介紹新品種。 我唔會好似佢甘唸 - 「你踩場?」. 亦唔會好似「四月」所唸 - 「你攪事?」。我會好「白痴」坐係度，虛心地學習。如果 d 「街市佬」，「街市婆」蝦佢, 我會打 999 搵警察叔叔....呵呵

有人蝦我

你地估下係邊個呢 ? 細細聲講你聽...佢叫做「新地」「麥」呀 ! 估唔估到呀 ? 我同佢之間有 d「秘密」架。 不過, 唔俾得你地知! 你地叫佢要「錫」住我呀! 我才會乖乖地繼續永遠保守「秘密」架.....呵呵 !!!!!

麵包行情

今早去Citysuper 買左一條「傳統法國麵包」- HK$22，一個「提子及紅梅」麵包 - HK$24. 真係「好好味道」!! 你地快 d 去買呢食啦 !

快 d 入黎，我講野你地知

時時見到果 d 「衣冠禽獸」, 係 PT 8/fl 對住counter d 同事指手篤腳, 吵吵罵罵, 呼呼喝喝. 連佢地自已都唔知自已想問咩野? 人又蠢, 智商勁底! 呢 d 人簡直唔知「醜」. 自卑感重, 所以「自大狂」. 返到公司辦"老板" - 簡直係「變態」! 佢地究竟有冇睇下公司俾佢果份 agreement 呀! 我地響公司係「無身份, 無地位」，「認屎、認屁」係無用. 邊個俾你做「大爺」呀! 我就好自量, 我永遠都承認我係全公司最「低級」個件. 我返到公司, 個個都係我「老細」. 我「無權、無勢」, 有事千萬不要搵我。做「爛頭卒」啦 ! 又或者「逞英雄」啦! 通通唔使預我。我又係「最得閒」果件，個個知我最低級，冇人會搵我囉。所以,我好開心...呵呵...冇人煩我!!!

星期五, 你地知唔知 PT 8/fl 有咩事呀??? 等我依家打份 Report 話俾你地知 ! Carmen 收假, 貼左張通告係檯面. 點知個個「衣冠禽獸」好似眼盲, 見counter 冇人就係度嘈. 有個「白痴」重癲到企係 counter 向天大叫 GI ...GI....。冇幾耐, GI 甘岩有人經過, 佢好采.

好喇, 係下午接近放工時間, 我正和另一部門counter 既同事「肥妹仔」傾緊野. 又見到有位「衣冠禽獸」係 GI counter左望右望, 咩都睇晒啦! 亦睇埋Carmen 張 notice 啦! 佢夠膽死走埋黎對住我講 "阻阻你地...GI...." 。我立刻打斷她. 我話 "GI ga 同事 Carmen 放左假, 檯面有Notice". 佢竟然話"我唔知,我冇睇，我冇理由睇人 d 野"。 正人渣!! 明明見佢睇左張 notice, 夠膽講大話. 你估我點做? 我撕起 Carmen 張 notice. 我話"全人類都睇唔到 notice 呀, 等我幫 Carmen 將張 notice 貼高 d"。我將張 notice 貼高係一個「膠 FILE 框」, 然後, 將「膠 FILE 框」 放係檯中央. 邊個再睇唔到就肯定佢係「盲眼」。點知, 佢又話「有人放假, 點解冇人 replace 」。佢知唔知「醜」 ga, 公司 d 行政關鬼佢事. Hehehaha, 我答佢「邊個話冇呀 ! Replace 果個叫做 Anna, 張 notice 寫得好清楚, 有 tel no.」。 但係, 佢冇搵 Anna 就走左啦。足以證明佢「無聊」, 冇「正經事」, 返到公司煩下人, 辦下 "老細", 欺負 d staff, 滿足下「心理變態」既「自卑感」。

我又唔識佢,佢竟然甘冇禮貌騷擾我和 「肥妹仔」傾正經野, 又 order 我....我都未「鬧」佢.

酒局

噚日, 六點鐘. 有一位「叔父」約左我和一班行家去佢office 酒局. 我煮左spaghetti, 又grill 左黑豚肉腸.成班人呱呱嘈, 不談政治, 不談工作, 只談風花說月, 及飲酒，食野。九點半散band, 有剩 d 食物各人幫手帶 d 返屋企, 唔好浪費。我唔舒服, 只係飲左少少香檳, 少少紅酒and 白酒。

豈有此理, 邊個熄晒 d 冷氣

噚日,Winny 話我知, 果日間房 d 冷氣唔係因為人多唔夠啊 ! 知唔知點解焗到我大傷風呀? 原來果班人可能坐坐下見凍, 熄晒 d 冷氣制. 有冇攪錯呀! 佢地呢 150人係邊度黎ga ? 佢地麻木ga ! 無知覺 ga! 佢地唔焗ga ! 佢地大多數穿便服. 但係, 我著長袖恤衫,又著西裝褸.累到我大傷風, 又咳,又喉嚨發炎. 令我好辛苦. 我服用Aspirin將喉嚨殺菌. 又服食「康鈣C」and Sudafed. 已好左好多. 不過,今日都要去買左支咳水.

大傷風

邊個夠膽行埋黎? 我一個人對住 150 人, 人多冷氣唔夠, 焗到傷風. 係邊個既錯?

粉紅色的咪套

天陰陰,又落雨, 真係好煩呀 ! 攪到我訓覺又冷親, 喉嚨開始唔舒服. 剛飲完「康鈣C」.

Do you know 我買左一對咪套, 竟然係 「粉紅色」. 其實, 我搵左好耐, 都買唔到. 通常都用黑色的, 我都未見過有人用粉紅色咪套, 你估我唱歌跳舞咩? 通常, 我同個咪消毒才用, 但我間中用埋咪套. 咪套是 d 妹妹仔唱 卡拉 OK 時多左出黎俾我. 想買支私家咪is impossible, 因 frequency 唔 compatible. 等我考慮下用唔用呢個「粉紅色」怪物? 得閒要去鴨寮街搵黎買.

邊個有咪套 keep 住, 快 d 俾我呀 !

超市行情

係中環放工時, 去 Landmark ga "360" supermarket 逛逛. 果度 d California Long stem Strawberry 賣 $60 一盒. 嘩...Citysuper 竟然 賣貴 $10 一盒.

我買左 "車厘子", 麵包, tomato, onion, fish.

My dinner is "Fish Fillet" + spaghetti. My soup is Campbell ABC vegetables soup.

好好味道

上星期四 Kiki 俾 strawberry 我食. 嘩 ! 又大粒, 又好味. 我放工見 Citysuper 有得賣. 原來係 California Long Stem Strawberry, $70 1 盒 (1 lb 裝). 我買左一盒返屋企慢慢嘆. 反正晚上清閒在家. 真係好食, 好食, 好好食....呵呵

呢個行業攪咩鬼

今日趕住放工. 點解? 因為我要早 d 返 「山頂」 office, 搵 d 時間靜靜地憂鬱下, 來調節心理. 我叫晒救命要求「心理輔導」, 但無人肯提供此服務.

簡直豈有此理, 7 月 31 日埋單, 最近突然湧現 「各路人馬」, 「五湖四海」「三教九流」, 「三山五嶽」, 「闔家出動」. 當我睇睇 counter 個 schedule, 嘩! 6 月份全 FULL. 個個趕住買分交數.

I...A....R....B...呀! 你地係度玩 「合府統請」, 「闔家人頭」都可以登記!! 幾時黎個 100 歲既俾我睇下??? 今晚差 d 要說聲 「公公、婆婆、你地好嗎」??? 攪到我需臨時作出風險評估, 決定 40 mins 要 break 一 break, 2-1/2 hours 共 break 兩次. 在缺乏支援下, 有鍋邊個揹得起呀? 根本個行業就係「有監無管」, 「公公婆婆」一齊參與遊戲規則.

我敬業樂業, 履行社會責任, 「坐檯唔揀客」. 唔好以為我好鐘意「坐」呢檯客. 好彩, 我只需「坐」兩晚. 雖然係兩晚, 我都頂唔順啦 !!! 真係唔明其他人點頂呀???

記得call 我食lunch 呀

喂.....同事仔, 記得 call 我呀 ! 我 11:30 am 會離開Wanchai AXA centre 返 TST. 我已匯報 Chris 哥哥 - 我地會去食 lunch, 你地唔使驚呀 !!!

還有, 記得 office hr 唔好睇我個 Blog, 專心工作. Lunch hour and after office hour 才入黎我個 blog 輕鬆下啦 !

黑色變白色的錢

哈哈!今晚好開心! 同我一齊做義エ既朋友終於約到我食晚飯.係Old Peak Road 既 LRC.共9 個人 - 華洋聚會. 有2 個洋人out of Hong Kong. 我飲左 2 杯白酒, 但未醉. 我地通常星期六晨早出發做義工, 從事體力勞動既工作. 我專長剪草, 掘地鋪行人小徑 (雨天有蚯蚓爬出來架 and 有蚊咬啊), 及油漆等工作. 應該冇乜人知我長期做義工. 我一直來都參與義工工作, 但性質不同, 視付我的時間而定. 履行社會責任.

晚飯時, 我和一位朋友分享現今之"經濟活動". How to bleach $$ from Black to White ?? 互相交換一些已公開秘密既市場資訊. 呵呵, 任何 financial sector 的模式一樣, 萬變不離其中, 遊戲規則要遵守.

靜靜話你知--食lunch 呀

本星期四, 我約左同事仔食lunch, 有興趣同我食lunch既仇家無任歡迎. 地點係 TST PT office 附近. 可問四月 or PT 8/fl 同事仔 or call 我吧 !

睡飽啦

上星期實在太辛苦啦! 簡直係非人生活. 又病, 又過勞, 真的吃不消. 趁星期日及端午節, 終於訓餐飽. 訓飽後做家務, 包括洗衫, 打地蠟. 買左支好方便既 "碧麗珠" 蠟油 - $39.90, 噴一噴, 一拖地板便 shine shine 啦 ! 再整頓下屋企 d 書啦, 紙啦. ？又將分左類既垃圾拿去 apartment 附近既環保箱. 你地睇下我幾環保. 學下我環保啦 !

遺失雨傘

xyzx #$%@&** 邊個甘冇品拿走我把雨傘 ??? 我好鐘意呢把遮, 因為印有好funny 既 cartoon 公仔. 簡直豈有此理 !!

我疲勞過度, 食唔到野, 只飲豆奶 and 葡萄適. 我去訓覺啦 !

無人問候我

你地知唔知我病呀 ! 前天下午是唔舒服.係Wanchai間 "靠得住" 食左碗 $30 魚腩粥, 食完 = 冇食. 返到山頂 office, 嘔番晒出黎, 個胃痛死我啦 ! 鬼係 "靠得住", 拆佢招牌.晚上冇食野, 休息數小時後, 又突然連續嘔左4 次, 全部嘔水份. 昨日, 我食白飯 and 火腿扒, 唔敢食其他野. 現時, 好左好多啦 !!!

夜深了,我要去 sleep, 大清早七時半要出門賣笑

T.V. 唔生性

T.V. 呀 ~ ~ T.V. ~~已換了第 2 部.....你點解仲係甘唔生性...one week hang 一次機. 間廠點生你出黎架??? 我呢隻『白老鼠』俾你煩死啦!! 依家技術部門今日決定開一部新機, 煲番 1 week 做 testing, 睇睇點解. 呢部會係第 3 部啦, 如果做完 1 week testing 發覺你真有問題, 你死硬啦 !! 我肯定拋棄你, 換過隻牌子比你更靚仔.......一於唔要你..呵呵

今天有食福

今午我被邀請去食業界既政治午膳...見到好多 sales 行家...充滿自信...好自豪地...當正自已係專業人士....佢地個格真係衰到令我想嘔. 係公司就成人見佢地媽 d staff...當正自已養起人地全家. 對住 d 客, 佢地似隻 cheap cheap dog. 我冇同佢地打招呼...剛巧我拉人衫尾, 被安排坐 head table. 我靜係同所有識得既業界CEO and Chan 議員 say "hello". 公司有個sales 佬散 band 時走埋黎同我 say "hello"...係度玩 "奉承"...簡直唔 "知羞". 我避開佢, 唔想同佢一齊乘MTR 返office, 所以我話有appointment 唔返公司呵.

今晚"出街鐘"時, 佢地沖茶包俾我飲, 又俾 chocolate 我食, 又俾薑醋我食...呵呵...太好了. 行賄受賄,同樣犯法. 公事公辦, 我要演好PEAK 既"馬騮"戲啊 !! 所以我一定要夠鐘才打烊.

明天仲要"出街鐘"賣藝, 係上午9點半至下午6點呀......Bye-Bye !

點解會甘架

Fanny 個 email 明明寫得好清楚 d 時間 and topic, 但點解我會睇錯架, 已經唔係第一次. 好采經理人 Linda 提醒我. 我係唔係有病呀...or 太忙...or 壓力太大...以後, 要好小心慢慢 read email..不可再錯...我要去 Z Z Z z z z 啦

潤下喉嚨先

今晚自攜 notebook, 終於在歡笑聲中...令我可以做好呢份 "小丑" 工.

你地知唔知呀 ! 支靚咪今晚唔 work ar !! Low Battery....IT 幫我換完電池...但我講左一句, 又冇聲...又係"low battery"...haha..得啖笑....唔想浪費時間處理支咪....索性唔用咪...講足 4 粒鐘....大吹 legal principles, 引入 21 世紀 judicial development, 大吹國際形勢..etc. etc., 又做 case studies..., 吹水完畢, 8 點打烊回家...又係好疲倦....冇食 dinner, 便倒頭大睡...凌晨 12 點後訓醒去雪櫃搵到有 2 個 tomatos, 1 件 citysuper 豆腐, 少少 pork, 全部一齊煲熟...剛食飽啦.

唉.....賣藝生涯極淒慘, 捱埋 next week 便可脫苦海啦...啦...啦

我病倒了

FLORA.....快 d 黎 !!! 你唔好再來奪命 call, 唔好迫我啦 ! 你迫到我病左啦 ! 我琴晚聽你講去 supermarket 買左 3包 "壽桃牌" 生麵...食左一包, 便倒頭大睡呀 !!! 我依家好唔舒服, 胃又唔妥, 個頭少少暈暈地..我一起身就去煲粥啦, 如果唔戒口食粥, 明日點 "出鐘做外賣" ???

哎吔....琴日出鐘做外賣...唔知係咪 6 點後冇中央冷氣 or d 燈光太強, 個 conference room 好焗. 唉...甘靚既 Central Plaza, 甘靚 and well-equipped 既 conference room, 竟然有部傻傻 地 既 computer, 攪到 slide play 唔到, 即使放棄 用 slide show, d image 又失蹤, 有 d slide 又出現唔到. 上次佢係用notebook ga, so 冇問題. 你記得問佢聽日會唔會用 notebook, 如果佢話冇人負責打烊時收 notebook, 問下佢可唔可以自備notebook. 有 d 公司既 information security policy 係唔可用outsider computer.

最老代理人

唔係掛...今晚返家..."細房" 燈泡又燒埋...唔制呀!!! 我今次唔會爬梯自已換..反正間房係 "吉" 房..留番俾管理處 next week 上黎換啦...

你地估唔估到年紀最大的代理人係 "幾多歲" ?? 等我話你知, 係 92 歲. 佢話佢係打工既, 應係負責人, 有理由相信佢 "無法親自" 執行職務...用佢黎掛牌.... 唔係甘都得呀...係 age 92 ?? Mr. Horse 既然落左妝, 我就唔怕出聲啦 !! ia 同 hk....fi 究竟點攪 ga ?? 個幾個 Principals 唔係甘都肯俾佢掛呀 ? 似乎係白痴呵!!!

Too Hot

姊妹們, 好熱呀 !!

靜靜話你知

返到 office , 重以為自已入錯門口, 去左 "金魚缸" 度添 !!! 個個對住部機...炒..炒..炒

全人類發達啦....股票升左 267 點...不過我冇賭呀...

有d 同工作有關既問題俾你地估下:-

"Mr. Horse is General Manager" shall mean "Mr. Horse is General Manager"

"嘉利係 director" shall mean "嘉利係 director"

睇下 d jacket 便可搵到答案...甘就估到我講緊乜野啦 !! 估中一於黎搵我領獎..呵呵 !!

鬆番下

等我慢慢鬆番下先 !!!!

哎...今日都幾忙,上午賣藝,下午公司. 晚上又再賣藝...九點半才打烊. 返到屋企廚房燈 膽居然壞左, 有冇攪錯呀 ! 攪到我要去 Management office 搬條梯, 自已爬梯換燈膽. 晚飯煮 spaghetti..then Haagen Dans ice cream...ooh..delicious

hmmm...明天約了幾個同事 lunch

做左白老鼠

TV 死左...買部最新款高清 1080p digital TV. 點知 power 制間中出現 hang 機. 10 天退貨期內已換過另一部...都有此 hang 機情況. 先進科技就係甘...行快人一步 ga 就要做白老鼠 ?

技術員今天上門視察..but still dont know why? 佢話會 report 俾工程部, 研究下乜野技術問題 呵 ? 大佬呀....要研究幾耐呀 ?

甘樣...我呢隻白老鼠點算好呀 ? keep 呢部機 or 換過另一個牌子 ? 都冇時間去唸 !

Agin and PK

有冇攪錯..講到 "隱瞞"....竟然有Agin and PK 話 "緊係唔講俾公司知啦". 佢吹咩..講出來一定做唔到生意架. 另一"Agin" 話 "我會 "隱瞞"..我會搏一搏"

...全班嘩然

忙碌的月份

四月至六月, 算係最忙碌, 經常在 "山頂" 場所...過著拋頭露面的賣藝生涯 (賣藝不賣身) - 賣笑, 賣唱, 做馬騮戲, 多數都係 "包場" "堂食" . 間中要 "出鐘" 送 "外賣".

觀眾來自 "不同階層" "五湖四海".....但有一共通點, 好大比例都係"冇人格" "冇品格"....他們的行為可用 "醜惡" 來形容...總之,錢大過天. 佢地公然毫無顧忌坦言一切 "傍門左道" 之取巧手法.

6 年 的賣藝經驗話我知.... "賓架 Agin" 與 "流動Agin 小販" 係 冇分別. 唔好以為 "緊有一間係左右" 果 d Agin 特別高級...它們以大財團及華麗包裝掩識 "醜惡" ga 行為....

勝 在 HK d 消費者係白痴. 祝佢地好運. 起碼...有白痴 ga 消費者, 才可促進經濟繁榮, 令大家繼續有工做

星期五 headoffice visit

上星期五...又在 headoffice 見到 "四月"....同以往一樣, 佢好熱情. 佢時時都話掛住我, 攪到我鬼甘開心, 都唔知佢係咪真 ga.... 如果 四月 miss 我, 唔該睇下我個 blog 咪知我近況 lor.

有位叫 "綺華張" 時時苦口婆心忠告我要讀書及考試....佢話冇學歷 "唔得個 bor"...ok...我會考慮讀書考試, 唔好令 "綺華張" 失望 la...呵呵

邊個想約我食 lunch .....呀 ? 快 d 約 我 啦 !

點解做個 Blog

Because 公司有個 director 問我有冇做番個 website....可與同事交流...

亦有 d 同事好多時 話 "太耐冇聽到我把聲, 好掛住我"...(唔知真定假)...
so 凡係我 ga 仇家同事..miss 我 ga 時候, 請visit my blog..任鬧